Viral ngayon sa social media ang ipinakitang kasipagan at determinasyon ng isang construction worker na si Michael Español na mula...
Viral ngayon sa social media ang ipinakitang kasipagan at determinasyon ng isang construction worker na si Michael Español na mula sa bayan ng Gueguesangen, Mangaldan sa Pangasinan, dahil habang nag aaral ito ay nagagawa pa rin ni michael na magtrabaho bilang isang construction worker at mas nagpabilib pa sa mga netizen ay ang pag-graduate nito bilang valedictorian.
Habang nag-aaral si michael ay nagagawa pa nitong magtrabaho bilang isang construction worker upang matustusan ang kanyang pangangailangan sa paaralan, at dahil sa kasipagan at pagpupursigi ni Michael sa buhay ay nakatapos ito sa pag-aaral bilang isang valedictorian sa kanilang paaralan na mayroong average na 95 porsiyento.
Si Michael rin ang naging supreme student government president sa kanilang paaralan.
Saad ni michael."Na-overwhelm ako nu'ng nalaman ko po na ako po ang top-performing sa klase namin,"
Sumasideline si michael bilang isang construction worker dahil sa kapos rin ang kanilang pamilya kaya niya naisipan na dumiskarte at para narin makatulong kahit papaano sa mga gastusin sa kanilang bahay at kanyang gastusin sa eskwelahan.
Si Michael ay all around sa kanyang trabaho kaya naranasan na nitong tagabuhat, tagasinsil at tagapala ng simento.
Kwento ni Michael nakaka-ipon siya ng pambili ng kanyang school supplies at pangbaon sa kanyang kinikita na P250 kada araw ng kanyang pagtatrabaho.
Ayon kay Michael,“Kung kaya ko naman po kasi, ayaw ko nang iasa sa kanila,”
Messenger Lamang ang kaniyang tatay at Mananahi lamang sa isang factory ang kanyang nanay kung kaya naman minsan ay kulang ang sinasahod ng kanyang magulang para mapag-aral silang tatlong magkakapatid.
Ayon sa ama ni Michael malaki ang pasasalamat nito dahil kahit hirap sila sa buhay ay nakapag-tapos ang kanilang anak bilang valedictorian.
Saad ng Ama ni Michael,"Nagpapasalamat ako sa anak ko na kahit hirap na hirap kami, nakapagtapos siya nang ganu'n,"
Sa kabila ng nakaka-inspire na kwento ni Michael mayroon pa rin umano siyang naririnig na hindi maganda sa ibang tao.
Giit niya."Meron pong mga taong hindi naniniwala sa atin. So payo ko po sa inyo, 'wag na po natin silang intindihin at mag-focus lang tayo sa goals natin,"
Si Michael ang patunay na hindi hadlang ang kahirapan upang makamit ang mga mithiin sa buhay bagkus ay gawing inspirasyon para makaahon sa buhay at maabot lahat ng pangarap sa buhay.
