Viral ngayon sa social media ang mag-irog na kinilalang sina Erwin Zabala at Ruby Papio dahil nito lamang nakaraang buwan sa Urdan...
Marahil ito ang kauna unahang pag iisang dibdib na naganap sa kasaysayan ng checkpoint sa Urdaneta, Pangasinan,Mabilis na nag viral ang mala-modernong fairy tale na kwento ng dalawa sa social media dahil sa kakaibang lokasyon kung saan pinagbuklod ang kanilang dalawang pusong nag iibigan.
Si Erwin na groom ay isang OFW at umuwi ng Pilipinas upang magpakasal sa kanyang fiancee na si Ruby,subalit bago ito ay nag-home quarantine muna si Erwin sa Manila ng 10-araw sa isang hotel bago dumiretso sa Pangasinan para sa kanilang Civil Wedding.
Ngunit sa hindi inaasahang pagkakataon ay naharang ang kasintahan ni Ruby habang ito'y papunta sa lugar kung saan sila'y ikakasal dahil kinulang umano ang mga dokumento ni Erwin partikular na ang S-PASS na isa sa mga pangangailangan ng isang taong nagnanais na tumawid sa lugar o bisinidad ng Pangasinan.
Dahil sa tanging quarantine certificate lang at proof ng kanyang vaccination ang naipakita nito sa mga nakatalaga sa TPLEX Exit border checkpoint ng lalawigan,kaya naman tuluyan ng naharang si groom at nakalulungkot isiping hindi na ito makatutuloy pa sa kaniyang mismong kasal.
Ayon sa nag-organisa ng kanilang kasal ay maari pa ring ituloy ang kasal,subalit kailangan lang nilang ipaalam ang sitwasyon kay Ruby at kung papayag ito ay siya mismo ang sasadya sa kinaroroonan ni Erwin at doon sa checkpoint mismo idaos ang kanilang kasal at manghihiram na lang ng lamesa at upuan.
Alam ng lahat na napaka importanteng mairaos ng maayos at sobrang espesyal ang araw na ito sa isang bride na gaya ni Ruby,Ngunit hindi ito nag atubili na puntahan ang kaniyang minamahal na si Erwin upang matuloy ang pag iisang dibdib at makapagpalitan sila ng kanyang magiging mister ng napakatamis na salitang "I do".
Saksi ang ilang kawani OWWA, Philippine Coast Guard, mga pulis pati na rin ang ilang mga na-stranded din sa checkpoint at sa basbas ng isang attorney ay pormal na naisagawa ang kasalan nina Erwin at Ruby.
Bagamat kakaiba at hindi inaasahan ang nangyaring naganap ay nabalot pa rin ng kilig ang buong lugar at umapaw ang kaligayahan, sa ngayon ang dalawa ay nasa Baguio City upang magbakasyon at para na rin sariwain ang kanilang honeymoon.
