Umantig sa puso ng mga netizen ang isang estudyanteng kinilalang si Kervy James Villarejo na isang Grade 5 student ng Jose Catolic...
Umantig sa puso ng mga netizen ang isang estudyanteng kinilalang si Kervy James Villarejo na isang Grade 5 student ng Jose Catolico Sr. Elementary School, sa Gen. Santos City, dahil ang estudyante raw na ito ay nag-aaply bilang janitor sa isang Insurance Company upang may maipambili ng kanyang project sa eskwelahan.
Ayon kasi kay Chriszel na nagpost sa facebook ng kwento ng bata si Kervy ay kumatok sa pintuan ng kanilang office para mag-apply ng trabaho bilang isang janitor upang makabili ng kaniyang school project.
Ayon kay Chriszel,“Na curious kaming lahat, pinapasok namin. Nasa booth ako noon, lumabas ako para kausapin siya. Sa totoo lang, naawa ako, kasi sa office may suki na talaga ako na lumalapit at binibigyan ko every month. Itong si Kervy, iba. Nag offer ng service .. napahanga niya talaga kaming lahat, tapos pag interview namin sa kanya ang hirap pala ng current situation nya.”
Ayon sa bata naninirahan umano siya sa kanyang lola kasama ang tatlo pa nitong kapatid na magkakaiba ang tatay at ang kanyang tunay na ama ay matagal na umanong sumakabilang-buhay habang ang kanyang ina naman ay mayroon ng ibang kinakasamang lalaki na hindi nagbibigay ng suporta sa kanila.
Dagdag pa nito.“11 years old si Kervy ngayon, ka edad ko lang yung mama nya nung pinanganak siya. Same age nung pinanganak ko anak ko at 21. Personally, masakit talaga saakin bakit ganun ang sitwasyon niya. As a single mom, masakit talaga. Kawawa si Kervy. Pero ang swerte [ng pamilya nya] sa kanya. [Si Kervy] ay masipag, may pangarap.”
Nang maikwento na ng bata ang kanyang buhay ay agad na ibinigay ng opisina ang kinakailangang halaga ng bata at hindi na ito pinagtrabaho, Pangarap rin umano ni Kervy na makapagtapos sa pagaaral para matupad ang pangarap na maging isang ganap na piloto.
Narito ang kabuoang post:
"Siya po si Kervy James Villarejo, Mag-aaral ng Jose Catolico Sr. Elementary School. Grade 5 student."
"Siya po ay kumatok sa pinto ng opisina namin nagtatanong kung may ipapagawa daw kami. (Mop sa sahig, Walis or may ipapalinis) yung perang malilikom niya ay ipambibili ng project sa school."
"Tinanong ko siya ano ang pangarap niya paglaki. Sagot niya: "PILOT PO"
"God Bless your future Pilot Kervy..Maka amaze bata, Keep it up Kervy.."
"Hindi po namin siya pinalinis. Hehe! kinausap nalang namin. Babalik daw siya para ipakita yung project na nabili."
"(Ako po ay isa ding single mom ginagawa lahat para maprovide ang pangangailangan ng anak ko, masakit para sa amin na ganito ang kalagayan ng batang si Kervy pero nakaka proud talaga siya.. #BatangmayLaban)"
