Isang Tatay,Karga-karga Ang Kanyang Isang Taong Gulang Na Anak Habang Siya Ay Naglalako Ng Taho.

Naantig ang puso ng mga netizen sa social media dahil sa larawan ng isang tatay na kinilalang si Richard Paclibare 30-anyos na tag...

Naantig ang puso ng mga netizen sa social media dahil sa larawan ng isang tatay na kinilalang si Richard Paclibare 30-anyos na taga Binangonan Rizal dahil habang siya ay naglalako ng kanyang paninda ay karga-karga rin niya ang kanyang isang taong gulang na anak at kahit mabigat at mahirap ang kanyang sitwasyon ay pilit niyang kinakaya para sa kanyang anak.

Ayon sa nagbahagi ng larawan ni tatay na si Jam Perry Branch, kaya umano karga-karga niya ang kanyang maliit na anak ay dahil walang mag-aalaga rito kaysa wala siyang kitain noong araw na iyon ay minabuti na lamang niya na dalhin ang anak para naman maalagaan niya at may kita pa siya.

Matapos silang iwanan ng kanyang misis ay wala na silang komunikasyon rito kaya naman hindi niya alam kung nasaan na rin ito kaya naman mag-isa na lamang niya itinataguyod ang kanyang anak at tanging paglalako ng taho ang pinagkakakitaan ni tatay.

Kumakayod siya ng maigi para matustusan ang kanilang pang araw araw na gastusin at may kapatid naman raw si tatay na maaaring magbantay sa kanyang anak subalit may pagkakataon umano na may kailangan rin itong gawin kagaya na lamang noong nakuhanan sila ng larawan ay isinasama niya sa trabaho ang anak.



Humanga ang mga netizen kay tatay dahil makikita sa mga larawan na mabigat ang dala-dala ni tatay at nakapasan rin sa kanyang likod ang anak subalit lahat ng ito ay kinakaya ni tatay.

Dahil sa kanyang kalagayan ay naisipan ni Jam na i-post sa social media ang kwento ni tatay upang matulungan sila at hindi naman nabigo ang netizen dahil nag-viral ang kanyang kwento at maraming netizen ang nagpaabot kaagad ng tulong kay tatay kahit pa ang lokal na pamahalaan ng Binangonan ay nagbigay na rin ng tulong sa mag-ama.



Maraming natuwa sa pagiging dakilang ama tatay sa kanyang anak kaya naman maraming netizen ang nagbigay ng mga positibong komento patungkol kay tatay. 



Saad ng ilann netizen kahanga-hanga ang kasipagan at pagiging responsableng ama nito isang magandang ehemplo umano siya sa lahat ng magulang na nagsusumikap para maitaguyod ang pamilya at hindi sumusuko sa hamon ng buhay.