Marami ang humanga sa galing at husay ng isang binatilyo sa social media matapos nitong ibahagi at i-post sa kanyang facebook acco...
Marami ang humanga sa galing at husay ng isang binatilyo sa social media matapos nitong ibahagi at i-post sa kanyang facebook account, ang parang makatotohanang larawan na ipininta nyang mukha ng kanyang lola noong August 19,2021.
Ayon kay John Cyril Dojalyo, 18 taong gulang, ay kaya daw ipininta nya ang kanyang lola upang mag bigay pugay at mag pasalamat dahil sa pag aalaga nito sakanya at sa pag papalaki nito“Si lola ang ginawa kong model kasi gusto ko din pong mapasaya siya. Kasi nung bata pa po ako, isa po siya sa nag-alaga sa akin. Kaya gusto ko siyang regaluhan at mapasaya ngayon gamit ang talento ko sa pagpinta,” pahayag ni Cyril.
Matapos ng mahigit na isang buwan na pagpipinta ay natapos na ni Cyril ang pagpinta sa kanyang lola. Ibinahagi din ni Cyril na ang kanyang tatay ay isa ring pintor. Marami ng nalalaman si Cyril tungkol sa pagpipinta ngunit sinumula nya lamang magpinta noong nakaraang taon. Inamin nya na sa una hindi daw naging madali ang pagsisimula nyang magpinta pero dahil sa sipag at pagpupursigi ay na improve na ang kanyang mga kakayahan sa pag pinta.
