Nakakuha ng Full Scholarship ang Isang Anak ng Magsasaka at Tindera sa Amerika!

Bata pa lamang ay pangarap na ni Gelbert Crescencio na maging isang neuroscientist at neurosurgeon kaya naman ay nagpursige siyang m...

Bata pa lamang ay pangarap na ni Gelbert Crescencio na maging isang neuroscientist at neurosurgeon kaya naman ay nagpursige siyang makapasok sa kanyang pinapangarap na kolehiyo—ang Amherst College sa Massachusetts, USA. Ang ambisyon ni Gelbert ay nagsimula noong pumanaw ang kaniyang lolo dahil sa sakit na Alzheimer’s.

Ayon kay Gelbert, ay gusto niyang makagawa ng isang device na makaka-detect ng early onset ng sakit na Alzheimer’s disease. Dahil sa hirap ng buhay, ay napag tanto ni Gelbert na hindi kakayanin ng kaniyang mga magulang na matustusan ang kaniyang pag-aaral.

Nagtatrabaho bilang isang staff sa isang tindahan sa Bohol ang ina ni Gelbert habang magsasaka na nagsa-sideline bilang tricycle driver naman ang kaniyang tatay. Kaya pagka-graduate ng senior high school, naisip ni Gelbert pagsabayin ang pagtatrabaho at ang paga-apply sa Amherst College. at sa halos limang libong nag-apply sa buong mundo, kasama siya sa 118 na nabigyan ng full scholarship. Katumbas ito ng mahigit P4 milyong financial aid, kasama na ang libreng pagkain at tirahan sa Amerika.