Iba't iba ang estado ng buhay ng mga tao. Mayroong nasa taas, nasa gitna at may nasa ibaba. Ngunit sa panahon ngayon ay isaalang-alang n...
Iba't iba ang estado ng buhay ng mga tao. Mayroong nasa taas, nasa gitna at may nasa ibaba. Ngunit sa panahon ngayon ay isaalang-alang natin ang pagtulong sa mga nangangailangan.
Maraming kumakalat sa Social Media o Online ang mga kwento ng mga tumutulong sa kanilang kapwa na nangangailan ng tulong, sila ay ang mga tinatawag na 'Good Samaritans'. Nag-aabot sila ng tulong sa abot ng kanilang makakaya, mapasimple man o espesyal.
Narito naman ang isang halimbawa ng 'Good Samaritans' na tumulong sa simpleng paraan. Ito ay mula sa post ng concerned netizen na si Earl Archievan Calixtro, ang kanyang pi-nost sa Social Media ay tungkol sa isang lalaking nakita niya kanina. Ayon kay Earl, tinanong niya ang lalaki kung gusto pa ba niyang kumain at ang sumagot ito ng oo ngunit kulang ang kanyang pera kaya naman umorder siya ng makakain pa.
Nang pupuntahan niya ang lalaki ay may nakita siya sa table nito ng chicken fillet na binigay umano ng crew ng nasabing fast food chain. Kaya naman, pina-take out na lamang niya ang binili niyang pagkain at ibinigay sa lalaki para may pagkain pa ito. Narito ang buong detalye ng kanyang post:
"Kanina napadpad ako sa Pampanga. Nag lunch ako sa McDonald's near SM. Si Tatay pumasok then umorder. After nun naupo sya malapit sa table ko. Pagdating nung order nya. 1 cup of rice and water lng. Kinakain nya rice lang. Nilapitan ko si Tatay tinanong ko kung gusto pa nya ng makakain. Oo daw kasi nagugutom sya pero kulang pera nya. So inorder ko sya ng makakain. Pagbalik ko sa table nya may chicken fillet na. Binigay nung crew. (thank you sa buong staff at crew ng McDonald's san fernando malapit sa SM,di kayo nag dalawang isip tulungan si Tatay. Yung order ko para sa knya pina take out ko nalang para may pagkain pa sya mamaya. Kinausap ko sya sandali pero hindi ko sya maintindihan masyado kasi sobrang nanginginig sya. Siguro sa sobrang gutom. Plus hirap na din sya magsalita. Ang nakuha ko lang na information is taga TACLOBAN daw sya. Napunta lang sya sa Pampanga para humanap ng work. Sa kasamaang palad inabutan siguro ng lockdown. Sa mga may kakilala sa Tacloban baka po nakikilala nyo si Tatay. At sa iba pang gustong tumulong. Sana makauwi na sya sa kanila. Kahit ano man pong pagsubok ang pinag dadaanan nating lahat ngayon. Nakaka angat ka man sa buhay or simpleng mamamayan ka lang. Gawin mong tumulong sa kapwa mo lalo na dun sa mga nangangailangan talaga. Promise ang sarap sa pakiramdaman. Ingat tayong lahat. Matatapos din tong pandemic na to. Godbless."
